صينية فراخ مشوية فى الفرن على طريقة حماتى
السلام عليكم و رحمة الله و بركاته حبايب قلب مين جربت فى الموضوع ده سأقدم لكم طريقة عمل الفراخ ( الدجاج) فى الفرن و هذه الطريقة تطبخ بها حماتى
مكونات صينية الدجاج المشوى فى الفرن
1 فرخة متوسطةبصلة كبيرة مقطعة صغير
معلقة ثوم مدقوق
عصير أربع حباب طماطم كبار (بندورة)
ملح
فلفل أسود
بهارت
كارى
طريقة تحضيرصينية الدجاج المشوى فى الفرن
أولا نجيب الفرخة الطازة و النظيفة من عند بائع الدجاج و نغسلها كويس فى البيت و نقعها بماء و ملح عشان الزفارة يمكن أيضا
اضافة عصير ليمونة بماء النقع .
تترواح مده النقع من ساعة الى ساعتين
نقطع البصلة الكبيرة قطع صغيرة و نضع عليها الثوم المدقوق و الملح و الفلفل الأسود و البهارات و الكارى و نفركهم ببعض جيدا باستخدام اليد حتى تشرب المكونات طعم الفلفل و البهارات و الكارى .
نحضر الفرخة من ماء النقع المكون من ماء و ملح و عصير ليمون و نصفى الفرخة من الماء الزائد و نشقها من الظهر أو تقطع نصفين من منتصف الدجاجة أو أربع أرباع ثم نتبلها بالبصل و الثوم الخاص بالتتبيلة و نلفها كويس بتتبيلة و ندخل التتبيلة تحت جلد الفرخة و نسيبها ساعة على اللأقل فى التتبيلة .
و بعدين نجيب صينية نرص فيها الفرخة بالتتبيلة و نضع كل التتبيلة على الفرخة .
فى الخلاط نضرب الطماطم و نحولها لعصير طماطم حوالى نص كيلو عصير طماطم ، نضع عصير الطماطم على الفرخة فى الصينية و نغطى الصينية بورق فويل و ندخلها الفرن على نار عالية عشان تغلى جيدا و لما تغلى لمدة ربع ساعة نخلى النار متوسطة و نتركها فى الفرن ساعة إلا ربع و بعد انقضاء ساعة فى الفرن على الفرن نشيل ورق الفويل و نسيب الفرخة تتحمر و تأخد وش الشوى من فوق لمده ربع ساعة أو حتى احمرار وجه صينية الفراخ المشوية
تقدم الفراخ مع أرز و سلطة خضرا مثل الصورة .
و بالهنا و الشفا
ملحوظة الملح و التوابل من تقدير الطاهى و عامة ملعقة صغيرة من الملح تكفى لاكساب الطعم المضبوط لفرخة واحدة ، صوص تسوية الفراخ له مذاق رائع جدا يمكن أكله مع الأرز أو الاحتفاظ به لطبخ طبخة أخرى كالمحشى مثلا فيمكنك وضعه فى خلطة الحشو مع الأرز و البقدنوس و الشبت و البصل و بقيه مكونات المحشي
تعليقات
إرسال تعليق