مين جربت مكواة ريمنجتون

مكواة شعر ريمنجتون ليسر برو تيتانيوم 

السلام عليكم ورحمة الله وبركاته في هذه المقالة سأشارك تجربتي لمكواة شعر ريمنجتون .

كتير بيكتبولي في التعليقات على قناتي أنهم عايزين مكواة شعر كويسة بتفرد الشعر كويس و يعتمد عليها ، من حوالي 6 شهور اشتريت مكواة ريمنجتون ليسر برو تيتانيوم كانت آخر واحدة في المول و عليها عرض كويس فحجزتها و شوفتلها ريفيوهات في قنوات أجنبية فعجبتني و رحت دفعت بقيت تمنها و اشتريها .

تجربة مكواة شعر ريمنجتون 

نيجي بقي لتجربة المكواة على شعري ، أول ما رجعت البيت جربتها على طول شعري كان مغسول بشامبو و بلسم قبلها بيوم و كان ناشف من غير ما استخدم فير على شعري استخدمتها على طول ، ضبطتها على درجة حرارة أقل من المتوسطة و كانت النتيجة صدمة بالنسبة 😱😱 بتفرد الشعر من أول تمريرة و بتخليه بيلمع ، عملت بيها شعري كله حوالي اخدت مني ربع ساعة عشان شعري قصير و دهنت كم نقطة سيروم للشعر نتيجة المكواة فضلت في شعري من يومين إلي 4 أيام .

أهم مواصفات مكواة شعر ريمنجتون ليسر برو تيتانيوم 

1- صفائح من التيتانيوم مطلية بالسراميك .

2- سلك طويل متران الا ربع .

3- سلك دوار .

4- درجة حرارة المكواة من 160° مئوية إلي 230° مئوية .

5- زر لقفل الألواح .

6- تسخين سريع .

7- إيقاف أتوماتيك عند عدم الاستخدام .

عيوب مكواة ريمنجتون ليسر برو تيتانيوم 

أكتر عيب واجهني فيها و مش بيبان غير ما استخدمت المكواة على درجة حرارة من 180° بتسخن جامد من بره من عند الألواح فمحتاجة معاها جوانتي ضد الحرارة .

و ده تقريبا العيب الوحيد اللي فيها .

فيديو المكواة على قناتي