مين جربت مكواة الشعر pritech
بنات كتير بتفكر تشترى مكواة شعر عشان تمليس أكثر للشعر دايما بنحتار نختار إيه ؟ ! .
و ايه المكواة الأحسن و الأوفر فى السعر فى نفس الوقت .
كل ده حتعرفيه من خلال هذه التدوينة و الفيديو المرفق معها .
أولا امتى أكون محتاجة اشترى مكواة شعر ؟
الاجابة لما يكون شعرك مجعد أو فيه كسرة و الاستشوار مش بيأثر فيه و بينشفه زيادة .
ثانيا ايه الحاجات اللى حطها فى دماغى قبل ما اشترى المكواة ؟
أهم حاجة الاهتمام بالشعر من ناحية الماسكات الطبيعية و حمام الكريم ليه ؟! لأن المكواة بتنشف الشعر زيادة و بتوقعه مع الاستخدام المتكرر .
ثالثا ايه مواصفات المكواة الشعر اللى اشتريها تفضل تكون من ماركة بيبي ليس بس هنا السعر هو اللى بيخلينا ندور على حاجة تانية , يبقي المكواة تكون سيراميك و درجة حرارتها من 150 مئوية الى 230 مئوية .
دايما قبل ما تشترى شوفى المحلات فيها ايه و ابحثى عن ريفيوهات على النت عن المكواة اللى انت عايزة تشتريها .
رابعا طالما بتستخدمى مكواة للفرد الشعر لازم تستخدمى واقى للشعر من حرارة المكواة أو الاستشوار .
آخر حاجة بقي حتكلم عن المكواة بتعتى اللى هى مكواة بريتش Pritech .
المميزات
- المكواة ألواحها سيراميك و هنا بتولد ايونات سالبة أكتر فالشعر يبقي أنعم .
- ألواحها بيضاء .
- شكلها أنيق .
- سلكها طويل حوالى مترين .
- درجة حرارة المكواة بيوصل الى 230 درجة مئوية و بتفضل ثابتة على درجة الحرارة .
- تنفع فى عمل الكيراتين لدرجة حرارتها العالية .
- بتقفل كويس على الشعر عند التمليس .
- معها ضمان سنة ضد عيوب التصنيع .
- المكواة موجودة فى سوق كوم و جوميا ممكن تدخلى تشوفى الريفيوهات بنفسك .
العيوب
- ألواح السيراميك بيضاء فبتتوسخ بسرعة .
- مش موجود فيها خاصية الغلق الاتوماتيك زى المكوات المشهورة زى بيبي ليس و فيليبس , عشان كده لازم تطفيها بنفسك .
ريفيو المكواة صوت و صورة عشان تقررى بنفسك .
تعليقات
إرسال تعليق